Kreu i Partisë Demokratike, Lulzim Basha ka reaguar për reciprocitetin e targave, të vendosur nga Kosova ndaj Serbisë. Në një postim në Twitter, Basha është shprehur se gjuha kërcënuese e Beogradit i përket një të shkuare që askush nuk e kthen dot më.
Basha shprehet se Kosova është një shteti pavarur dhe marrëdhëniet mes dy shteteve sovrane funksionojnë mbi baza reciprociteti.
Kreu i PD thotë se qëndrimet e Beogradit ndaj vendimit legjitim që nuk cenon asnjë marrëveshje të nënshkruar në Bruksel, nga qeveria e Kosovës, zbulojnë qëllimet e vërteta të Vuçiç dhe fshehjen pas falsitetit të iniciativës së Novi Sadit
“Gjuha kërcënuese e Beogradit i përket një të shkuare që askush nuk e kthen dot më! Kosova është shtet i pavarur dhe marrëdhëniet mes dy shtetesh sovrane funksionojnë mbi baza reciprociteti.
Kjo është e drejtë e patjetërsueshme e Kosovës. Sa më shpejt ta kuptojë këtë Beogradi aq më mirë do të jetë për Serbinë dhe për marrëdhëniet mes vendeve të rajonit.
Qëndrimet e Beogradit ndaj vendimit legjitim dhe që nuk cenon asnjë marrëveshje të nënshkruar në Bruksel nga qeveria e Republikës së Kosovës, zbulojnë qëllimet e vërteta të Vuçiç dhe fshehjen pas falsitetit të iniciativës së Novi Sadit”, shkruan Basha.
