Real Madrid nuk do të jetë në finalen e Super Kupës së Spanjës. Madrilenët nuk arritën të fitojnë në ndeshjen e mbrëmshme ndaj Athletic Bilbaos me rezultatin 1-2.
Ky rezultat shuan shpresat për një përballje mes Real Madridit dhe Barcelonës që pritej pa fund nga fansat e dy skuadrave. Mbrëmjen e kaluar ekipi i Zinedine Zidane nuk ishte në formën e tij më të mirë dhe në finale kaloi Bilbao, të cilët do të përballen me Barcelonën për trofeun e madh. 1-2 përfundoi sfida në ”Estadio La Rosaleda”, me baskët që shënuan dy herë me Raul Garcia në pjesën e parë. Ndërkohë në pjesën e dytë Real-i ngushtoi me Benzema, por u mjaftua me kaq.
Trajneri i “Los Blancos” Zidane foli pas ndeshjes, ku tha ky nuk është një dështim.
“Nuk është një dështim. Të dështosh do të thotë të mos tentosh për të fituar dhe të mos japësh gjithçka në fushë. Kjo është jeta, nuk mund të fitojmë gjithmonë. Pjesa e parë nuk më pëlqeu aspak.
Bilbao pati dy raste dhe i shënoi të dyja. Pjesa e dytë ishte ndryshoi. Goditëm shtyllën, krijuam shumë raste dhe realizuam një gol. Për fat të keq nuk mjaftoi të evitonim humbjen dhe eliminimin“, deklaroi trajneri francez.
