Qëndrimi i mbajtur nga delegacioni i Parlamentit Evropian ka ngjallur jo pak polemika dhe sigurisht që do kishte reagim edhe nga vet kryeministri Rama, i cili nuk i kurseu komentet e tij lidhur me gjendjen ku ndodhet vendi.
Reagimin e tij Rama e ka bërë nga rrjeti social Twitter, ku ka shprehur edhe vlerësimet e tij për qëndrimin e ashpër që europarlamentarët kanë mbajtur kundër djegies së mandateve të opozitës.
“Asnjë gëzim për qëndrimin e ashpër në bllok të europarlamentarëve, kundër arratisë së opozitës parlamentare nga detyra dhe fusha e logjikës demokratike! Çfarë sikleti kur mendon se sa më keq se sa thonë u duket atyre, kjo shfaqje brutale dritëshkurtësie ndaj njerëzve e vendit”, shkruan Rama.
