Një ngjarje e paprecedentë është rregjistruar në Gjirokastër ku një 38-vjeçar ka sulmuar efektivët gjatë kryerjes së detyrës. 38- vjeçari është vënë në pranga nga policia e Gjirokastrës pas këtij veprimi.
Mësohet se ngjarja ka pasur si zanafillë ndalimin për kontroll rutinë nga efektivët e policisë të 38- vjeçarit, gjë të cilën mesa duket drejtuesi i mjetit nuk e ka honepsur dot. sipas njoftimit të uniformave blu mësohet se pasi është konstatuar duke drejtuar automjetin në gjendje të dehur, gjatë intervistimit qytetari ka reaguar me dhunë, duke goditur punonjësit e Rendit.
“U kap nga shërbimet e Policisë duke drejtuar automjetin, në gjendje të dehur, si dhe goditi punonjësit e Policisë gjatë intervistimit, vihet në pranga 38-vjeçari. Specialistët e Seksionit për Hetimin e Krimeve në Komisariatin e Policisë Tepelenë arrestuan në flagrancë shtetasin M. M., 38 vjeç, banues në Fier, pasi në vendin e quajtur “Ura e Dragotit”, Tepelenë, u kap nga shërbimet e Policisë duke drejtuar automjetin, në gjendje të dehur. 38-vjeçari gjatë intervistimit, ka ofenduar dhe ka goditur për shkak të detyrës, punonjësit e Policisë”, njofton policia.
Pas kësaj ngjarje krahas akuzës për drejtimin e mjetit në gjendje të dehur, ai do të akuzohet edhe për goditje të efektivit të policisë për shkak të detyrës.
