Ditën e sotme u shënuan 16 raste të reja me COVID-19, ku njëri prej tyre ishte një 13-vjeçar nga fshati Kostren i Beratit.
Mësohet se rasti i ri është vëllai i 16-vjeçares, e cila rezultoi pozitive disa ditë më parë.
Pasi zbuluan se vajza ishte e infektuar, të gjithë anëtarëve të familjes iu morën tamponët.
Për momentin vetëm 13-vjeçari ka rezultuar pozitiv, ndërsa pritet përgjigja për prindërit dhe gjyshen.
Përveç temperaturës deri në 38 gradë celcius, 13-vjeçari nuk ka shfaqur shenja të tjera të sëmundjes.
Punonjësit e Bashkisë së Beratit kanë dezinfektuar gjatë këtyre ditëve banesën e vajzës dhe të gjithë fshatin Kostren.
Deri më tani epidemiologët kanë testuar 12 persona, të cilët dyshohet se kanë pasur kontakt me 16-vjeçaren.
Ndërkohë vijon puna për të zbuluar personin që infektoi vajzën, e cila nuk ka lëvizur nga fshati dhe nuk ka pasur shumë kontakte.
Me rastin e sotëm, numri i të prekurve në qyetin e Beratit ka shkuar në 3.
