Raporti i fundit i Transparency International i ka dhënë një goditje të rëndë qeverisë Rama, pasi në të thuhet se shteti është kapur nga një grup njerëzish për interesa personale.
Sipas raportit të fundit, kapja e shtetit po pasuron politikanët dhe rrjetet e tyre me koston e rëndë të qytetarëve të zakonshëm.
Transparency International në raportin e saj ka theksuar se ligjet në Shqipëri po bëhen me porosi për të favorizuar “oligarkët”, të cilët përfitojnë dhe kapja e tyre nga ligji bëhet më e vështirë.
Pjesë e Raportit:
“Ligjet e bëra me porosi vulosin dhe legjitimojnë privatizimin e institucioneve dhe burimeve publike nga duke e bërë atë të ligjshëm. Ligje të tilla jo vetëm që dekriminalizojnë kapjen, por pasi të legalizohen, e bëjnë më të vështirë luftën e kapjes së tyre sepse përpjekja do të perceptohet si mosbindje ndaj ligjit.
Gjatë mbledhjes së të dhënave nga ana jonë, rezultojnë se shtete me më shumë ligje të tilla janë Shqipëria dhe Turqia”, thuhet ndër të tjera në raport.
Kjo organizatë sjell edhe shembullin e rrugës Milot-Balldren, për të cilën thotë se ligji i miratuar i ka dhënë kompanisë ANK Sh.P.K një pushtet jashtëzakonisht të çmuar për ndërtimin e një rruge 17.2 km, e cila duket se do të kushtojë rreth 300 milionë euro.
“Një ligj i miratuar në Shqipëri i ka dhënë ANK Sh.PK, një kompani pranë Partisë Socialiste në pushtet, një kontratë jashtëzakonisht të çmuar për ndërtimin e një rruge 17.2 km. Kostot e ndërtimit pritet të jenë gati 300 milion €, mbi dyfishin e shumës që qeveria kishte parashikuar”, shkruhet në raportin e Transparency International./Gazetareforma.com/
