Komisioni Europian i ka kushtuar vëmendje të madhe refuzimit të Komisioneve Hetimore nga mazhoranca shqiptare, në raportin e tij prej 144 faqe. Në këtë raport thuhet se kërkesa e opozitës për të ngritur dy komisione hetimore është e garantuar nga Kushtetuta.
Kujtojmë se maxhoranca nuk i mori parasysh kërkesat e opozitës, duke argumentuar se të dyja rastet ishte se është në shqyrtim një rishikim i ligjit për komisionet hetimore.
“Opozita kërkoi ngritjen e dy komisioneve hetimore, por mazhoranca i hodhi poshtë të dyja kërkesat, pavarësisht se e drejta e opozitës për të inicuar komisione të tilla garantohet me Kushtetutë. Argumenti i mazhorancës në të dyja rastet ishte se është në shqyrtim një rishikim i ligjit për komisionet hetimore. Ligji aktual, megjithatë, mbetet në fuqi.” – thuhet në Raportin e Komisionit Europian për vitin 2023.
Në raport flitet edhe për përjashtimin disaditor të deputetëve të opozitës nga Kuvendi. KE kërkon nxitjen e një dialogu politik mes maxhorancës dhe opozitës dhe e konsideron të paprecedentë përjashtimin e 23 deputetëve.
“Sekretariati i Etikës vendosi disa masa disiplinore, duke rezultuar në përjashtimin e paprecedentë të 23 deputetëve të opozitës brenda një muaji. Nevojiten standarde më të larta etike në punimet e Kuvendit për të nxitur një dialog politik më konstruktiv midis opozitës dhe mazhorancës.” – thuhet në raportin e Komisionit Europian për vitin 2023.
