Ambasada e Shteteve të Bashkuara të Amerikës publikoi në faqen e saj zyrtare raportin e plotë të Departamentit të Shtetit për Trafikimin e Qenieve Njerëzore.
Raporti i këtij viti vlerëson sërish se Shqipëria nuk ka arritur ende minimumin e standardeve për eliminimin e këtij trafiku pavarësisht përpjekjeve në rritje nga ana e qeverisë, krahasuar me një vit më parë.Në raport thuhet se në dy vitet e fundit u dënuan vetëm 5 trafikantë, numër ky më i ulët që prej vitit 2014.
”Qeveria e Shqipërisë nuk i plotëson plotësisht standardet minimale për eliminimin e trafikimit, por po bën përpjekje të konsiderueshme për ta bërë këtë. Qeveria demonstroi përpjekje gjithsej në rritje në krahasim me periudhën e mëparshme të raportimit; prandaj Shqipëria mbeti në Nivelin 2. Këto përpjekje përfshinin dënimin e trafikantëve të dënuar me kushte të rëndësishme burgu, identifikimin e më shumë viktimave dhe sigurimin e një trajnimi të fuqishëm për zyrtarët përkatës. Qeveria, në bashkëpunim me shoqërinë civile, ngriti edhe Bordin Këshillëdhënës të Viktimave të Trafikimit, i përbërë nga tre të mbijetuar dhe rriti ndihmën e viktimave në procedurat penale duke krijuar Qendrën e Zhvillimit për Drejtësi Penale për të Mitur dhe punësimin e koordinatorëve shtesë të ndihmës së viktimave.Gjatë viteve 2018 dhe 2019 u dënuan 5 trafikantë, numër ky shumë i ulët që prej vitit 2014”, shkruhet mes të tjerash në raport.
Po ashtu DASH vëren se ka një mungesë për shqyrtim të veçantë ndaj çështejve të migrantëve, azilkërkuesve apo prostitucionit.
Në raport theksohet se qeveria vonoi fondet për strahime të drejtuara nga OJQ-të që nuk kishin burime për kujdesin e fëmijëve e nënave që kanë qenë viktima të trafikimit.
“Munguan përpjekjet për shqyrtimin në veçanti të migrantëve, azilkërkuesve, individëve në fushën e prostitucionit dhe trafikimit të fëmijëve. Qeveria vazhdoi të vonojë fondet për strehime të drejtuara nga OJQ-të dhe shërbimet sociale shërbimeve nuk kishin burime për kujdesin e fëmijëve dhe nënave me fëmijë që kanë qenë pjesë e trafikimit”, shkruhet në raport.
