Kryetarja e Autoritetit të Mediave Audiovizive (AMA), Armela Krasniqi ka prezantuar këtë të hënë para deputetëve të Komisionit Parlamentar për Edukimin dhe Mjetet e Informimit Publik, Raportin Vjetor të vitit 2023. Gjatë fjalës së saj, Krasniqi tha, se televizionet kanë abuzuar me reklamat e fshehta, shkeljen etike dhe reklamat për medikamentet. Ndërkohë sipas saj, janë konstatuar 49 raste shkeljes, ku 55 për qind reklama të fshehta, 33 për qind shkelje etike, 10 për qind reklama mbi shëndetin dhe medikamentet.
Armela Krasniqi: Gjatë 2023-shit ka vijuar monitorimi i përmbajtjeve televizive, ku në fokus kanë qenë mbrojtja e fëmijëve gjuha e urrejtjes dhe diskriminimit dhe reklamat. Gjatë 2023-shit ekipi i monitorimit ka bërë verifikimin e 114 rasteve të transmetimeve audio dhe audiovizive për përputhshmërinë e tyre në bazë të kërkesave të ligjit. Për 49 shkelje autoriteti ka tërhequr vëmendjen për 48 raste, në një rast është vendosur sanksioni me gjobë. Gjatë 2023-shit kemi pritur dhe trajtuar çdo ankesë të mbërritur. Për 2023-shin numri i ankesave është rritur në nivelin 7.9 për qind nga viti paraardhës. Nga 390 ankesa të shqyrtuara nga Këshilli i Ankesave, 89 për qind e ankesave janë dërguar nga individë. 4.7 për qind nga shoqëria civile dhe 3 për qind nga studio ligjore dhe 2 për qind nga institucione. 59.5 për qind e tyre ishin për shkelje për të drejta të njeriut 16.4 për qind mbi shkeljen e të drejtave të fëmijëve, ndërsa 3. 6 për qind për komunikimet tregtare në median audio dhe audiovizive.
Në lidhje me veprimtarinë inspektuese, kryetarja e AMA-s ka raportuar se përmes grupeve të inspektimit, gjatë vitit 2023 janë ushtruar 332 kontrolle të aktivitetit të OSHMA-ve. Nga këto 168 janë inspektime të kryera në bazë të ankesave dhe 164 janë monitorime kryesisht, duke konkluduar në 9 vendime për sanksione me gjobë ndaj subjekteve OSHMA, për 3 raste të tjera është vendosur tërheqja e vëmendjes ndaj tyre.
Krasiqi tha se prioritet i institucionit që drejton është pirateria, këtu do të ketë dhe disa ndryshime sipas kreut të AMA-s. Këto ndryshime shtoi Krasnqi janë në fazën e Konsultimit Publik.
