Shumë zhurmë dhe pak gjë. Kështu mund ta krahasojmë vaksinimin e “zhurmshëm” të personaliteve të moshuar.
Paraditen e kësaj të diele, në ambientet e stadiumit “Air Albania” u paraqitën 24 personalitete, ku e veçanta ishte se të gjithë ishin të përzgjedhur nga qeveria.
Emrat më të njohur që u paraqitën nisnin nga aktorja Tina kurti, Margarita Xhepa, regjisori Piro Milkani, Dhimitër, Roza Anagnosti, e deri tek këngëtari Sherif Merdani.
Pjesë e personaliteteve të moshuar që morën vaksinën ishte edhe ish-presidenti Alfred Moisiu, edhe ish-kryeministri Aleksandër Meksi.
Pas deklartës që bëri Rama se personalitet duhet të mbrohen para se të ndërrojë jetë, mendohej që të gjithë do të vaksinoheshin në një ditë, ose në të gjitha qytetet do të veçoheshin ata që kishin dhënë kontribute më shumë për vendin.
Edhe pse e padrejtë kjo ndarje nga qeveria, në Tiranë vetëm 24 të njohur patën fatin të vaksiohen, duke u lënë në harresë shumë të tjerë.
Në daljen e sotme për media nga ambientet e stadiumit, gazetarët i kujtuan Ramës dy personalitete të tjerë të njohur që nuk ishin pjesë e listës së qeverisë. Emrat që u përmendën ishin studiuesi Xhevat Lloshi dhe aktorja Edi Luarasi, për të cilët Rama tha se do të vaksiohen por pa thënë data dhe procedurë të saktë për ditët në vijim.
Veç personaliteve, sikurse pritej, tek “Air albania” u paraqitën dhe të moshuar të tjerë, që mendonin se kishin të drejtën e vaksinës, si mjekë apo vetëranë luftë të dalë në pension. Njëri prej tyre madje ishte 95 vjeç. Si këta të moshuar që shpresojnë të vaksinohen ka me dhjetra e qindra në gjithë Shqipërinë.
Ky privilegjim mes të priviligjuarve është parë vetëm në Shqipëri, pasi në asnjë plan vaksinimi të shteteve të tjera nuk ka një diferencim të tillë. Mesa duket Rama ia dhënë dhe këtë të drejtë vetës, në përgjedhjen e atyre që meritojnë ose jo të jetojnë.
