Kryeministri Edi Rama ndodhet në Puglia të Italisë për një vizitë, ndërsa presidenti i këtij rajoni, Michele Emiliano nuk i ka kursyer elozhet.
Emiliano e ka quajtur Ramën një nga liderët më të rëndësishëm në Europë, për shkak të historisë sesi ka sjellë paqe në komunitetin e tij.
‘Kemi kaluar shumë gjëra bashkë, prania jua në Pulja është njëherësh për të qenë krenar. Ndërkohë që ne punojmë, jo gjithmonë arrijmë ta përcjellim në komunitet tona. Miqësia duhet kuptuar në çdo formë, në çdo çast. Ne kemi mundësinë që të plotësojmë një kërkesë, të kemi një ide më të qartë për sistemin universitar. Do keni mundësi të përcillni tek një lider që unë e konsideroj si një nga liderët më të rëndësishëm të Europës, dhe kjo përtej dimensioneve që ka vendi i tij, po e bëjë këtë për shkak të historisë sesi ka sjellë paqe në komunitetin e tij”, ka thënë ai.
Emiliano ka thënë se rajoni i Puglia-s është mik i Shqipërisë pa kushte, dhe sot do dëshmohet me fakte se kjo që po bëhet nuk është thjesht sa për zhurmë. Ai i quajti shqiptarët njerëz të jashtëzakonshëm që kanë bërë hapa të mëdhenj para. Presidenti i rajonit u shpreh se mjafton ta shohësh në sy kryeministrin Edi Rama dhe e kupton se nëse i premton diçka, duhet ta çosh deri në fund.
Ne jemi miq të Shqipërisë pa nëse, dhe pa por. Sot kemi mundësi të dëshmojmë me fakte që kjo që po bëjmë nuk është thjeshtë zhurma e një fshese të re që po pastron diçka. Shqiptarët janë njerëz të jashtëzakonshëm ato kanë bërë hapa shumë të mëdhenj para, kam qenë në Tiranë para shumë vitesh dhe ta shohësh sot janë bërë shumë përparime në shumë fusha. Angazhimet që do të merrni përsipër duhet t’i mbani. Ne duhet t’i bëjmë gjërat mirë deri në fund. Mjafton ta shohësh kryeministrin në sy dhe të kuptosh se nëse i premton diçka, duket ta mbash deri në fund”, tha Emiliano.
