Kryeministri Edi Rama ndodhet në qytetin e Korçës ku ka prezantuar kandidatët për deputetë në këtë qark. Rama ka thënë se falë Rilindjes Urbane në Korçë janë hapur shumë sipërmarrje që zhvillohen dita ditës. Sipas Ramës Korça është tashmë një destinacion turistik.
“Falë Rilindjes Urbane në Korçë janë hapur shumë sipërmarrje, të vogla që zhvillohen dita ditës, kanë krijuar punë për familjet që kanë transformuar shtëpitë e tyre në bujtina por edhe për të tjerët. Korça është bërë një hapësirë vibruese për ekonominë locale. Nëse sot flasim për Korçën si një destinacion turistik na duket normale, por disa vite më parë, para se ne të merrnim mandatin e parë, flisnin ne për të ardhmen e këtij vendi…për turizmin. Por turizmi ishte një fjalë e pa mbështetur”, ka thënë Rama.
Kryeministri ka thënë se në Korçë është vend ii duhur për të thënë se shqipëria do të bëhet kampione e turizmit, të eksportit bujqësor dhe agroturizmit.
:Para pak ditësh pashë një raport të bankës botërore të vitit 2008, kur flitej për boom turistësh në Shqipëri dhe ky bum ishte shumë më pak se sa ai që sot ka vetëm Korça. Këtu është vendi i duhur për të thënë që ambicia jonë në vizionin Shqipëria 2030, është që ta bëjmë Shqipërinë kampionë të turizimit, të eksportit bujqësor dhe agroturizimit. Është krejtësisht i mundur dhe tashmë ka hyrë në rrugën e realizimit të tij. Nëse flasim për investime të mëdha, mund të flasim për Durrësin, do ta bëjë kompania e huaj portin më të madh në Mesdhe, në Vlorë e Sarandë ku aktualisht është në kantier. Nëse flasim për dy portet e tjera gjithashtu. Këto janë investime. Në këto dy mandate ne kemi ndërtuar një platformë të re që do ta ngremë Shqipërinë në një tjetër nivel”, deklaroi Rama
