Kryeministri Edi Rama ka premtuar pedagogëve një rritje prej 7% të pagës së tyre, në kushtet ku këta të fundit janë të revoltuar dhe po zhvillojnë ditën e sotme protestë përpara Univeristetit të Politeknikut.
Ndërkohë ka ardhur direkt një reagim nga kreu i Sindikatës Aleksandër Kovçi, i cili i është përgjigjur kryeministrit pas deklaratës së këtij të fundit ku premtoi rritje 7 % të pagave.
Ai shprehet se pedagogët nuk do ndalen në protestat e tyre dhe se kjo rritje është në nivele që nuk i justifikon kërkesat e tyre.
“Kryeministri paska thënë s’ka nevojë profesiorati mund ta bëjë 5-fish pagën sepse do u japim projekte, do bëjnë projekte. Nuk e kam dëgjuar që pagën ta marrësh nga projektet, paga është pagë. Ta kuptojë kryeministri në Kosovë profesiorati paguhet 1500 euro. Nuk ka internacionalizim të universitetit pa investime në universitet tona. Investo ti, se kur ta marrësh vesh universitet partnere se çfarë buxheti jep ti për universitet zotëri, ata nuk të përfillin fare, je aty në fund e as nuk të financojnë kurrë. I bëjmë thirrje kryeministrit që bëhet fjalë për ndryshim cilësor, e kemi respektuar në kohë të vështirë. Nuk kemi shtuar kërkesa por i kemi pakësuar. Nuk ka më justifikime, të realizojë kërkesat”, shprehet Kovaçi.
