Kryeministri Edi Rama ka vizituar gjatë ditës së sotme shtetasit afagnë që janë strehuar në Durrës, ndë disa struktura hotelerie. Rama ka diskutuar me disa nga afganët që kanë ardhur në vendin tonë dhe u ka ndarë fëmijëve disa dhurata.
Gjatë diskutimeve, ai ka marrë falenderimet e njërës prej shtetaseve afgane të strehuara në vendin tonë, e cila është shprehur se e di që nuk është e lehtë të strehosh kaq shumë njerëz papritur.
Rama ka thënë se edhe vendi ynë ka qenë në të njëjtën pozitë dhe ka shtuar se pëpjekjet janë për të bërë më të mirën.
Pjesë nga diskutimi:
Rama: Më në fund ia dolët!
Gruaja afgane: Po. Me shumë vështirësi, por ia dolëm. Dua t’ju falenderoj për mikpritjen dhe bujarinë që keni dëshmuar për afganët, si dhe për grupin tonë në veçanti. E di që nuk është e lehtë të strehosh kaq shumë njerëz kaq papritur, por kolegët tuaj kanë bërë një punë të mrekullueshme këtu.
Rama: Përpiqemi të bëjmë më të mirën. Faleminderit shumë! Kemi qenë në këtë pozitë, e dimë se çfarë është. Pra, çdo gjë është në rregull këtu?
Gruaja afgane: E përsosur, faleminderit shumë! Kanë qenë shumë të kujdesshëm, kanë qenë të gjithë shumë të gjindshëm. Kanë bërë maksimumin.
