Kreministri Edi Rama ka prezantuar kandidatët për deputetetë për Partinë Socialiste në Durrës, ku nuk ka humbur rastin për të sulmuar kundërshtarin. Ai ka thënë se Edi Paloka dhe Agron Duka nuk mund të përfaqësojnë Durërsin në Parlament. Rama u shpreh se Duka ka një Parti Agrare që e mban në garazh dhe vetë rri tek oborri i PD.Sipas ramës PS është konfirmuar si lokomotiva e Durrësit e Shqipërisë, ndërsa e djathta ka përfunduar te përfaqsimi me Palokën.
“Ky është maksimumi që mund të japi Durrësi për Shqipërinë dhe parlamentit, me Palokën apo Dukën? Ai shfaqet dhe rishfaqet me një Parti Agrare që e mban në garazh. Që ku është bërë kryetari i Partisë Agrare rri tek oborri i PD. Për çfarë? Si mund të jenë këta përfaqësuesit? Ç’ësthtë kjo e krijuar, mes Palokës, Gon Dukës dhe një padrino të heroinës që shfaqet alternativë për kë? Duke qenë se këtu ka qenë një makineri e madhe balte për të përbaltur PS, duke qenë se ne jemi konfirmuar si forca lokomotivë e Durrësit dhe e Shqipërisë. E djathta këtu ka pasur zërin e Koplikut, ndjesë pastë, një qytet i identifikuar me të djathtën, një qytet që krijoi një elitë lokale që i jepte parlamentit njerëz që mund të kishe të gjithë arsyet jam kundër, por që flisnin me edukatë, gjuhën e asaj tradite, pse jo edhe të asaj shtrese të mesme të shquar që kohën e Mbretërisë, sjell Palokën”, tha kryeministri.
