Kryeministri Edi Rama nuk ka humbur rastin të sulmojë Lulzim Bashën nga Fieri ku ndodhet për të inspektuar procesin e vaksinimit te mësuesit. Rama ka thënë se është fatkeqësi për politikën që dikush jep shembull të gabuar duke grumbulluar njerëz dhe duke ngritur dy gishtat mbi makina. Kryeministri është shprehur se është e rëndësishme që njerëzit ta kuptojnë se kjo është një luftë për shëndetin dhe ata që janë më të dobët nga pikëpamja fizike duhet të bëjnë kujdes. Po ashtu Rama ka deklaruar se do të vazhdojë vaksinimi intensive, pa dhënë më shumë detaje.
“Gjëja që iu duhet thënë të gjithëve është që ky është një proces që duhet të shkojë paralel me kujdesin, duhet të shkojë paralel me mbrojtjen. Është fatkeqësi e madhe që për shkaqe politike dhe për interesa partiake dikush jep shembullin më të gabuar duke grumbulluar njerëz dhe duke ngritur gishtat mbi makina, por nga ana tjetër është shumë e rëndësishme që njerëzit vetë të kuptojnë se kjo është një luftë për shëndetin, është një luftë për jetën, një luftë për jetë a vdekje për shumë njerëz që janë më të ekspozuar dhe më të dobët nga pikëpamja fizike dhe për këtë arsye të gjithë duhet të bëjnë kujdes. Fushata, zgjedhjet, vendet në parlament, karriget, postet janë të gjitha 5 me hiç përpara kësaj sfide dhe përpara këtij objektivi. Ne do vazhdojmë intensivisht vaksinimin. Turpi iu mbetet atyre që e kanë”, tha Rama.
