Kryeministri Edi Rama ka deklaruar për “Financial Times” se Shqipëria ka nevojë për luksin, duke krahasuar nevojën e vendit për zhvillim me nevojën e një shkretëtire për ujë. Kjo deklaratë vjen në kontekstin e planeve të Jared Kushner, dhëndrit të ish-presidentit amerikan Donald Trump, për të ndërtuar një resort luksi në ishullin e Sazanit.
“Ne kemi nevojë për super luks, ashtu si një shkretëtirë ka nevojë për ujë”, u shpreh Rama.
Projekti synon të shndërrojë ishullin në një atraksion turistik të klasit botëror, me një investim prej 1 miliardë dollarësh nga kompania “Wffiniti Partners”. Resorti do të përfshijë vila gjysmë të futura në tokë, me pamje panoramike nga bregu i Sazanit.
Ndryshe nga Serbia, ku plani për një kompleks luksi në ish selinë e Shtabit të Përgjithshëm të ushtrisë serbe u propozua nga Richard Grenell, në Shqipëri propozimi për Sazanin erdhi nga vetë Kushner.
Ky projekt pritet të ketë një ndikim të madh në zhvillimin turistik të Shqipërisë dhe të rrisë atraktivitetin e vendit në rajon.
