Kreu i shtetit Edi Rama, sot gjatë seancës plenare, është shprehur se protesta e studentëve i ka dhënë një shuplakë qeverisë për ta shkundur atë. Sipas kryeministrit, kjo gjë shërbeu që t’u hapte sytë dhe t’i fokusonte më shumë se ҫfarë ndodh brenda universiteteve.
“Na ka dhënë një shuplakë për të na shkundur dhe për të na bërë që t’i hapim sytë më shumë dhe t’i fokusojmë sytë më shumë tek ajo që ndodh brenda mureve të univeristetit”, u shpreh Rama.
Ai vazhdon këmbënguljen për të dialoguar me studentët dhe thotë se është i gatshëm të diskutojë kudo dhe kurdo. Gjithashtu shprehet se nuk do që t’i fus ata në një rrugë pa krye apo që të mbyll protestën, sepse protesta i ka rrënjët e thella.
Rama thotë se do e kishte shumë të thjeshtë ta trajtontë si një çështje ofertë kërkesë protestën, por ai shprehet se aty bëhet fjalë për një proces që ka pika dhe që qeveria është e gatshme t’i plotësoj këto pika një nga një.
“Ky parlament dhe çdo sallë në këtë qytete apo në çdo qytet tjetër janë hapësira ku ne mund të diksutojmë. Unë jam i gatshëm kudo dhe kurdo ata duan të diskutojnë. Jo për t’i futur në një rrugë pa krye e as për të mbyllur protestën
Nuk dua që protesta të mbyllet sepse kjo protesëtë i ka rrënjët thellë tek burimet e sëmundjes se univërsitetit. Është shume e thjeshtë për mua që ta trajtojmë këtë protestë si një cështje procedure si një çështje ofertë kërkese.
Po këtu nuk bëhët fjalë për mish apo patate, këtu bëhet fjalë për të hapur një proces që fillon nga këto pika. Pikat ne jemi gati t’i plotësojmë një për një”, u shpreh Rama.
