Kryeministri Edi Rama ndodhet në Shkodër ku kan nisur prezantimin e kandidatëve për deputetë në këtë qark dhe nuk ka humur rastin të sulmojë edhe Partinë Demokratike. Rama ka thënë se lufta politike dhe fuashta elektorale në këtë kohë pandemie është e neveritshme dhe është papërgjegjshmëri e PD.
“Do ju japim njerëzit mundësinë që të na njohin, të dinë se çfarë ne kemi në plan të bëjmë. Jam shumë i vendosur që do ta largojmë koronavirusin nga Shqipëria, me vaksinime dhe duke zbatuar rregullat. Ne jemi të detyruar që të ecim me një ekuilibër, ne jemi të detyruar që të ulim konë me keqardhje dhe hidhërim kur humbasim jetën njerëzish. Nuk duhet të bëjmë luftë politike dhe fushatë elektorale, kjo është e neveritshme, pagjegjshmëria është karakteristikë e PD-së. Unë nuk besoj që budadëllëku që të jetë deri në atë nivel. Bëjini fushatat për të humbur se për të humbur keni po në fund të ditës, mos harroni të tregoni përgjegshmëri me rregullat që kemi vendosur”, tha Rama.
Kryeministri ka sulmuar edhe kryetaren e Bashkisë së Shkodrës, Vlotana Ademin, për të cilën ka thënë se i ka penguar të investojnë. Rama ka thënë se ndihet i keqardhur se kur ishte për të inspektuar vaksinimin në Shkodër, kishte parë pisllëk të madh jashtë stadiumit.
“Jam i keqardhur, por ka një të vërtetë të pamohueshme mes Bashkisë se Shkodrës dhe qeverisë. Si pasojë e një kontrasti që bëhet mes Vlorës dhe Shkodrës, apo dhe Korçës, apo dhe Pukës. Jam i keqardhur. Kur isha për të inspektuar procesin e vaksinimit, jashtë stadiumit mjedisi ishte pisllëk, pisllëk, pisllëk. Ndaj nuk kishte si të ndodhte ndryshe, ndaj kërkuam që stadiumi mos të menazhohej bashkia, për shkak të paditurisë therëse të personave në Bashki. Refuzuan, dhe pamjet flasin vetë. Ne kemi bërë një përpjekje serioze për të krijuar opurtunitete për Shkodrën, për adresa dhe plot arsye për t’u vizituar. Jemi penguar dhe bllokuar pafundësisht. Kemi dhënë një shembull të mirë për zonën e Shirokës. Plani ynë i veprimit nuk është plan elektoral për t’u thënë deri në 25 prill dhe më pas të ikim me tram për Tiranë”, ka thënë Rama.
