Ish-kryeministri i vendit, Sali Berisha akuzon nga “arresti shtëpiak” kryeministrin Edi Rama për çështjen e Charls McGonigal. Përmes Facbook-ut ai thotë se se kreu i qeverisë po përpiqet të shesë Damian Gjiknurin, për liçencën që i hoqi në kundërshtim me ligjin kompanisë mikste që e kishte dhe ia dha kompanisë ruse të Deripaskës.
Berisha ka theksuar se nuk do ndalet në denoncimin e kësaj cështje, duke e ndjekur hap pas hapi.
Reagimi i plotë:
Rama peng i Gjiknurit.
Të shpëtova nga djegësat me shpëto nga McGonigal.
Ja si po shet Rama Gjiknurin, Gjushin dhe Doshin në aferën Mc Gonigal.
Të dashur miq, tmerri i Edi Ramës nga fjala ime vjen në fakt nga vetja e tij, procesi McGonigal në të cilin Edi Rama rezulton se në Tiranë dhe Ëashington ka vepruar si grup i strukturuar kriminal sëbashku me McGonigal, me Duçkën dhe Nezën. Ky proces që zhvillohet në shkurt ka bërë që ai te shohë çdo natë ëndërr burgun e famshëm të Ishullit Rikers dhe të tmerrohet nga sulmet e mia si dikur njerëzit primitiv ndaj fenomeneve të natyrës.
Aktualisht Rama po përpiqet të shesë në mbrojtje të verës Gjiknurin për liçencën që i hoqi në kundërshtim me ligjin kompanisë mikste që e kishte dhe ia dha kompanisë ruse të Deripaskës. Rama gjithashtu me sa duket po shet Gjushin dhe Doshin duke pretenduar se nuk është ai por Gjiknuri që i ka prezantuar ata me McGonigal i cili thuhet se ju ka marrë secilit nga 5 milion euro rryshfet per t’i hequr nga lista e nongratave. Por a do pranojë Gjiknuri të cilit i thotë se unë të shpëtova nga djegësit ti do më shptosh nga afera McGonigal përndryshe flakët e djegësave të të shkrumbojnë karrierën e pasuri mbetet për tu parë. Një gjë është e sigurtë Rama është i pashpresë!
