Kryeministri Edi Rama ka folur për ngjarjen e rëndë që ndodhi ditën e djeshme në Elbasan, ku mbeti i vrarë Pjerin Xhuvani. i ftuar në emisionin “Opinion” Rama ka thënë se nëse Xhuvani do kishte humbur jetën nga dora e një socialisti, sot do ishte djegur Shqipëria. Kryeministri e quajti atë që ndodhi në Elbasan një kafshëri. Rama tha se PD ka ndërtuar një strukturë që ndalon njerëzit me makinë dhe ju thotë zbrisni dhe kjo është gjithë historia e vrasjeve në vend. Sipas Ramës, përgjegjësia e tij është që t’i thotë popullit shqiptar që në 25 prill t’ varrosi përgjithmonë këto figura.
“Sot do të ishte djegur Shqipëria, nëse ai njeri do të kishte humbur jetën nga dora e një socialisti. Ajo që ndodhi dje në Elbasan ishte kafshëri. Është thënë me gojën e vet zëdhënësit të vendngjarjes, strukturë që mund të vrasë, me çfarë mund të vrasë, me llafe?! Kanë ndërtuar një strukturë që ndalon njerëzit në makinë, ju thonë zbrisni. Kjo është historia e gjithë vrasjeve e maskarallëqeve në vend. Përgjegjësia ime është që t’i them popullit shqiptar: ditën e diel varrosini përgjithmonë këto figura”, ka thënë kryeministri.
Ai e quajti Arbër Paplekën vrasës duke thënë se po të dalë në ndonjë foto me ambasadorin, do nxirret edhe ambasadori i përlyer.
Po pse këtë vrasësin këtu në Elbasan, kur të dalë ndonjë foto me ambasadorin, do nxirrni edhe ambasadorin e përfshirë e të përlyer…
