Kryeministri i vendit Edi Rama, ditën e sotme ka inspektuar Rezidencën Studentore Universitare nr.2 në Tiranë. Gjatë inspektimin ai tha se vaksinimi për studentët dhe pedagogët do të bëhet i detyrueshëm. Rama është shprehur se do të vijë momenti që do të bëhet i detyrueshëm dhe se duhet të ja u kujtojnë intensivisht këtë gjë studentëve pasi sipas tij “me qëllim që kur të vijë momenti të mos thonë pse s’na thanë”.
Ai tha se vaksinimi është një nevojë nëse duam të vazhdojë rrjedha normale e jetës akademike, praktikë kjo e ndjekur dhe nga vende të tjera botërore sipas kryeministrit.
“Mund të vijë momenti, duke pasur parasysh me atë që po ndodh nëpër botë, që vaksinimi do të jetë i detyrueshëm dhe duhet t’ia komunikojmë intisivisht me qëllim që kur të vijë momenti të mos thonë pse s’na thanë.
Për të gjithë ata që janë pjesë të aktivitetit për të qenë bashkë me të tjerë. Nëse për veten e tyre mund të thonë s’ia dimë të tjerët. Vaksina nuk të heq rrezikun e infektimit, por të bën që kur të infektohesh ta kalosh më lehtë. Askush s’ia ka borxh askujt për të shkuar në spital se të tjerët thonë s’dua” -tha Rama.
Kujtojmë se pak ditë më parë Mini9stria e Shëndetësisë njoftoi se edhe muaji shtator do të jetë muaj i hapur për vaksinimin masiv të personave mbi 18-vjeç. Të gjithë mund të marrin dozën e vaksinës anti-COVID në qendrën më të afërt të vaksinimit, duke u paraqitur vetëm me një mjet identifikimi.
