Seanca plenare tashmë ka përfunduar dhe kryeministri Rama ka dhënë deklaratën e tij për emërimin si Ministër i Jashtëm.
Rama ka thënë se kjo ka qenë një zgjedhje e papranueshme e presidentit dhe se vendimi ka qenë i detyruar,pasi Meta ka refuzuar Cakajn për këtë post.
Megjithatë duket se mazhoranca nuk do ta kalojë në heshtje këtë çështje pasi ata kanë bërë gati padinë ndaj presidentit për këtë shkelje që ka bërë dhe do marrë jetë sapo të formohet Gjykata Kushtetuese. Vendimin për të marrë postin e Ministrit të Jashtëm Rama e ka pranuar sipas tij vetëm që mos të cënohet projekti i qeverisë së re.
“Dua të them se votimi i sotëm ishte rezultat i një zgjedhje të detyruar si pasojë e refuzimit të presidentit për të dekretuar ministrin e jashtëm dhe thënë kjo, dua ta bëj të qartë për gjithë opinionin se nuk ka një gjykatë Kushtetues ende dhe në pritje të formimit të Gjykatës Kushtetuese për të trajtuar në rrugë institucionale shkeljen e saj nga Presidenti u detyrova të marr ketë vendim, pasi projekti i qeverisë së re nuk duhet të cenohet. Ne kemi përgatitur padinë në Gjykatën Kushtetuese për shkeljet e bëra nga presidenti”- tha Rama.
