Takimet e kryeministrit Rama janë shtuar sidomos së fundmi. Këtë herë duke marrë parasysh edhe fjalët e studentëve, të cilët janë duke thënë se nuk iu janë plotësuar kushtet, Rama nga Fakulteti i Ekonomisë duket se ka një shqetësim tjetër, më të madh.
Takimi me pedagogë e studentë të këtij fakulteti, ka ndodhur në kuadër të ciklit “Pakti për Universitetin”, ku shqetësimi kryesor i shfaqur ka qenë ai për bibliotekën digjitale.
Sipas Ramës ishte aty për të dhënë një lajm të keq sidomos për studentët, të cilët nuk do të kishin mundësi ta shfrytëzonin këtë lehtësi për shkak të Rektorit, Mynyr Koni.
Për më tepër Rama nuk është kursyer edhe për të hedhur akuza të tjera ndaj Konit, duke nënkuptuar se Rektorati nuk është duke u administruar mirë.
“Biblioteka dixhitale është në funskion, por ju nuk e hapni dot. Asnjë nuk e akseson dot këtë bibliotekë, po ashtu është e vështirë dhe pjesa e ndërveprimeve të tjera. Shkaku është rektorati i universitetit dhe e bukura është që juve jeni si ata që pinë kafe në anën lindore të Berlinit, që çdo gjë e kërkoni tek qeveria. Kjo është pjesë e keq administrimit nga Rekrori i Universtietit të Tiranës”, ka thënë kryeministri Rama.
Mirëpo mesa duket ky nuk ka qenë një takim për të folur rreth asaj çfarë mund të bëhet, por për të nxjerrë mungesat dhe fajet e Rektorit Koni.
“I vemti që nuk e ka marrë vesh se ka ndodhur një protestë, se ka pasur ndërveprime dhe dialog, është xhaketa e Rektorit. Ky është një problem për ju se ju do shkoni në shkollë dhe sistemi nuk do funksionoj dot. Dhe ça do bëni ju do akumuloni dhe do shkoni tek ministria dhe do kërkoni të hiqet rektori”, shtoi Kryeministri.
