Edi Rama e ka humbur për një moment kontrollin e situatës gjatë mbrëmjes së sotme në emisionin „Real Story“, ku ka debatuar me gazetarët e pranishëm në studio. Sokol Balla i ka thënë kryeministrit të mos i bullizojë të tjerët, pasi një gjë e tillë i ka ndodhur edhe vetë atij. Në këtë moment Rama ka filluar të mos pranoj akuzat në lidhje me denigrimin që i bëri disa figurave të PD, duke thënë se ajo që kishte përdorur ishte oratori. Rama ka thënë se nuk i ka nxjerrë atyre fotografi publike. Në një moment madje Rama i është drejtur Robert Rakipllarit duke i vënë në dukje që është lideri dhe të gjithë të tjerët nuk janë në rregull.
Pjesë nga debati:
Balla: Unë hyj tek ata njerëz që jam sulmuar edhe personalisht.
Rama: Nuk ka lidhje, mor zotëri unë kam nxjerrë një fotografi.
Balla: Unë ju dëgjova deri në fund dhe po ju them që keni vuajtur nga bullizmi.
Rama: Cili bullizëm ore, nuk i pranoj këtu unë. Kjo është ndeshje dhe oratoria për këtë ndeshje vlen, nuk vlen për në shtëpi. Kjo është ndeshje, këto janë mjete.
Balla: Mos i bëj tjerëve, ato që të kanë bërë ty.
Rama: Jeni në vete apo jo, do pranoj unë broçkullat e tua. Unë nxora një fotografi publike të atij dhe thashë lakuriqi i natës, sepse ai është një lakuriq nate si personazh, sepse e dini si u bë i famshëm me ato kasetat e shpifura, duke përgjuar jetën e tjetrit në mënyrë fallso. Pra, lakuriq nate se çfarë është. Pse shkova i mora fotografinë poshtë krevatit unë atij. Nuk ka rëndësi çfarë ka thënë Spiropali, unë do ta rizgjidhja këtë foto edhe po të kthehesha pas. Të gjithëve iu them pse nuk merren me mesazhin tim, por ju shkon syri mbrapsht. Ata që bëjnë këtë debat nuk ndajnë dot kategoritë. Ervin Salianji është një lakuriq nate.
Rakipllari: Edhe Vokshit i keni thënë Pamela Anderson…
Rama: Je në metro ti, ore zotëri unë jam lideri.
Rakipllari: Mos bullizoni.
Rama: Ca bullizmi more, ju nuk shqetësoheni kur gratë shahen me libër shpie. Nuk fajësohet karikatura për personazhin.
Rakipllari: Po fotoja jote me makarona, që është shumë keq.
Rama: E kam bërë vetë, edhe unë kam karikatizuar.
