Kryeministri Edi Rama është në këto momente në qytetin e Fierit ku po mban edhe një bashkëbisedim virtual me qytetarët. I pyetur pse është zgjedhur Fieri për këtë investim dhe si do të jetë spitali, Rama ka thënë se ka pasur disa herë interesime, pasi nuk mund të mbulohej nga buxheti i shtetit. Ai ka thënë se zona ka nevojë për një spital rajonal me kushte të mira prej kohësh. Por kur i thonë që po bëhet për fushatë, Ramës i vjen për të qeshur. Në fakt pas 8 vitesh qeverisjë spitali po nis të ndërtohet vetëm 2 muaj para zgjedhjeve, më parë askush nuk ishte kujtuar për të.
“Siç e dini më shumë e dinë ata që janë të përfshirë në sistemin shëndetësor ne Fier. Nevoja për një spital rajonal me standarde dhe kapacitete në lartësinë e duhur në zonë është e hershme, siç është pritshmëria. Dhe të tjerë e kanë premtuar, e kemi bërë dhe ne. Me vjen për të qeshur kur thonë pse tani me fushatë. Kemi bërë përpjekjet tona prej shumë kohësh, kemi vite që përpiqemi ta materializojmë, kemi bërë përpjekje për të gjetur mënyrën e financimit, se nuk është vetëm çështja e godinës, por dhe kostoja shumë e lartë. Kemi dështuar me sukses më shumë se 1 herë dhe pse kemi pasur interesa të shprehura nga anë të ndryshme, pasi për buxhetin e shtetit ishte një operacion goxha i rëndësishëm dhe i pamundur në kushtet kur kemi pasur shumë nevoja në shëndetësi, që nga transformimet në QSUT.”
Rama ka thënë gjithashtu se spitali do i shërbejë një zone më të gjerë dhe do të jetë pa pagesë. Ai është shprehur se të gjithë shpenzimet do i mbulojë Turqia.
“Sot kemi më në fund mundësi të shohim realizimin e këtij projekti, me presidentin e Turqisë këtë çështje e kemi shtruar më parë, ia kam prezantuar dhe Gramozit që e kemi shtruar. Për 1001 arsye u bë e mundur vetëm së fundmi. Ky spital do ti shërbejë një zone më të gjerë. Do të jetë spital publik, si të gjithë spitalet e tjera, pa pagesë, jo spital privat me faturë ekstra. Ajo që unë e konsideroj të rëndësishme është se nuk do jetë një qendër që do transferohet energjia më moderne. Do të pajiset nga A te ZH-ja nga Turqia, do të jetë një qendër e transferimit të dijes. Do të pilotohet autonomia spitalore.”
