Qeveria e Greqisë do të jetë e vëmendshme për mesazhet që do të japë kryeministri i Shqipërisë Edi Rama më 12 maj, në takimin e tij me emigrantet që jetojnë dhe punojnë në shtetin fqinj. Kështu pretendojnë të paktën zyrtarët e qeverisë së Kyriakos Mitsotakis. Në një intervistë të dhënë për mediat greke, zëdhënësi i qeverisë, Pavlos Marinakis, i cili e cilësoi vizitën e Ramës si “private”, por shtoi se qeveria do të garantojë të gjitha masat e nevojshme të sigurisë.
“Detyra jonë është me veprimet tona, jo me fjalë të bukura, të tregojmë respekt për sundimin e ligjit dhe se ne kemi shumë të drejtë në anën tonë dhe nuk kemi frikë prej saj. Na thonë në të njëjtën kohë “pse vjen Rama?”. Nuk është çështje bilaterale, është çështje e sundimit të ligjit – përkrahja për sundimin e ligjit, për të drejtat e njeriut bëhet me vepra, jo me fjalë. Si kur dikush shkon në diasporë në Shqipëri, në diasporën greke në fshatrat minoritare,”-tha ai.
GAZETARI: Nëse ai përmend temën e Belerit, nuk do të na shqetësojë kjo? A nuk po e bën për të na mërzitur?
P. MARINAKIS: Nuk është detyra jonë as të interpretojmë qëllimin e Edi Ramës. E dini, në politikën e brendshme dhe të jashtme – kjo nuk është çështje dypalëshe, është çështje e shtetit ligjor – përkrahja për sundimin e ligjit, për të drejtat e njeriut bëhet me vepra, jo me fjalë. Greqia është aq e fortë tani sa nuk ka frikë. Natyrisht ne do të përgjigjemi nëse ka ndonjë arsye për t’u përgjigjur, por le të mos paragjykojmë.
Turi i kryesocialistit me disaporën ka të konfirmuar deri tani 4 takime në 12 Maj në Athinë, 26 Maj në Milano, Londër në 2 Qershor dhe Duseldorf në 16 Qershor.
