Fundi i vitit erdhi dhe bashkë me të kryeministri Rama ka treguar edhe sesi ka qenë ky vit për qeverinë.
Në një konferencë për mediat të zhvilluar ditën e sotme, Rama i është përgjigjur të gjitha pyetjeve, ku sigurisht nuk ka munguar edhe pyetja sesi qëndron marrëdhënia e kryeministrit me kryeun e Bashkisë Tiranë, Erion Veliaj, ku për hir të së vërtetës kohëve të fundit kanë qarkulluar fjalë për një ftohje mes tyre.
Megjithatë Rama ka mbajtur qëndrimin e zakonshëm ndaj gazetarëve, duke iu përgjigjyr pyetjes në mënyrë ironike dhe duke thënë se brenda PS-së ka komplot dhe kryetari i Bashkisë Veliaj, nuk do ta ketë të gjatë.
“Po, ka komplot në PS dhe jam shumë i shqetësuar për këtë komplot lëvizje konspirative që synon gjëra shumë më të rënda që nuk i ndaj dot me ju, jemi duke menduar për një gjyq popullor dhe dënime të rënda, shumë të rënda, internime, dhe nuk diskutohet që koka është kryetari i bashkisë së Tiranës, ai është në krye të këtij komploti i mbështetur nga ish ministri i Brendshëm, ka edhe të tjerë por nuk ua them dot, dyshohet dhe për institucione të tjera në këtë konspiracion.. ka të dhëna që ka edhe studim shkencor të doktoreshës Kryemadhi për goditjen e qeverisë dhe më vjen keq që më kapët gafil por jam i detyruar ta pranoj.
Por ju siguroj që ky grup nuk e ka të gjatë, Veliaj mund të mbjellë pemë sa të dojë, por në një pemë do të varet si shembull që në këtë parti grupet armiqësore nuk e kanë të gjatë dhe do të jetë pjesë e një vepre që do të shkruaj dhe do t’ua jap me autograf”, ka thënë Rama me një të folur në formë ironike.
Përgjigjen e plotë të kryeministrit e gjeni në videon e mëposhtme.
https://www.facebook.com/edirama.al/videos/543472232786129/?t=0
