Spitali Memorial i Fierit ka qenë një “kartat” që qeveria e ka përdorur si propagandë të saj.
Rama e ka vlerësuar dhe është mburrur shumë herë me Spitalin Rajonal të Fierit, një investim i premtuar dhe bërë nga presidenti i Turqisë.
Por teksa po bën një vit nga hapja e tij, “Fax News” raporton se në Spitalin Memorial të Fierit nuk kryhen analizat. Edhe pacientët e shtruar aty, vinin me analizat e bëra në privat, pasi nuk u ofrohej ky shërbim. Ndërkohë që qytetarët lodhen duke u sororllatur nëpër poliklinika për të bërë analiza apo edhe për shërbimet e tjera.
Theksojmë se një pjesë e qytetarëve shprehen se tek Spitali Memorial nuk kanë marrë asnjë shërbim ndaj edhe janë ndetyruar ti rikthehen poliklinikës pasi atje nuk ka mjek dhe analizat duhet ti bëjnë diku tjetër.
Qytetarët e fierit shprehen se edhe pse janë të siguruar, detyrohen që të bëjnë analiza në Fier. “Shiko e di si është problemi, shërbimi është i mirë por nuk ka mjek, unë nuk kam zgjidhur gjë. Vajta për operacionin e gruas, ike e blije më thanë ata e ta bëjmë ne operacionin”.
“Jo nuk kemi vajtur asnjëherë, jam lidhur me doktoreshën këtu”.
“Do shumë procedura , të sorollasin shumë, të siguruar dhe vemi te privati, nuk kemi shanse atje”.“Ja po presim, po bëjmë një orë e ca. Ne do presim nga e keqja, skemi ca bëjmë, zyra rri bosh, doktorë nuk ka”.
