Kryeministri Edi Rama vazhdimisht është duke tentuar ta minimizojë skandalin e të dhënave personale që Partia Socialiste zotëron. Nga Elbasani Rama tha se numri i kartës ID nuk i duhet askujt, madje tregoi edhe numrin e kartës së tij. Rama e kaloi debatin tek numri 12, që PS mban në këto zgjedhje dhe deklaroi se më e bukura është se patronazishtët nuk punojnë me kartën ID.
“Sot kam marrë kartën e identitetit me vete. Merreni numrim tim. Ja mbanishënim të dhënat. Rama, Edi. G40704039G. Kujt i duhet ky numër, ç’i duhet? Se e dëgjuat Liken, më kanë marrë numrin, o Like po ne të dimë shumë gjëra ty, prandaj mos u shqetësoni fare. Kjo s’i duhet as dreqit. Karta e identitetit e cila është trashëguar nga një kohë tjetër, sot nuk është ende karta e identitetit që duhet të jetë sepse do të ishte problem nëse karta e identitetit tonë nuk do ishte thjesht një dokument identifikimi, por do kishte brenda të dhëna të tjera konfidenciale sic kanë ID e tjera në shumë vende, si sigurimet shoqërore, kartela shëndetësore, etj. Kjo është si me të marrë targën e makinës Kjo është si me të marrë numrin 12. Merreni numrin 12, sepse 12-a është numri i të gjithë shqiptarëve. Është numri i mandatit tonë të tretë. Më e bukura është se patronazhistët nuk punojnë me numrin e kartës së identitetit dhe të gjithë ajo….,”- tha Rama.
