Kryeministri Edi Rama ka komentuar sherrin e ndodhur në Elbasan mes militantëve të PS dhe PD: Në “Opinion” ai tha se nuk i njeh personat që janë përfshirë dhe se ndryshimi i vetëm që ata kanë militantët e PD, është se këta të fundit i solli vetë kryedemokrati, ndërsa pjesa tjetër ka dalë nga turma e ka shkuar atje. Rama e quajti rrugacëri ngjarjen e ndodhur dhe tha se është frymëzuar e stimuluar nga Lulzim Basha.
“Rrugaçëria pjell rrugaçëri. Dhe tjetra, unë ata nuk i njoh fare dhe nuk e di kush janë. Ata për mua të gjithë janë njësoj që të gjithë, me një ndryshim, që një palë e ka sjellë atje lideri i PD-së dhe pjesa tjetër ka dalë nga turma dhe ka shkuar atje. Kam parë në shumë vende që partitë të kenë grupe njerëzish që të dalin e të gjuajnë me vezë, por vend që lideri të mbledhë një grusht legenash dhe me të aty të ndodhë kështu, nuk e kam parë unë këtë. Nëse këtë gjë duam ta karakterizojmë këtu ka vetëm dy karakteristika. Kjo në vetvete është një rrugaçëri. Ndërsa karakteristika tjetër ajo që është problem i madh këtu, nuk është ajo, është vetëm shfaqje e problemit. Problem është rrugaçëria e frymëzuar dhe atë e ka stimuluar Lulzim Basha,”- tha Rama.
