Kryeministri Edi Rama ka prezantuar në Shkodër kandidatët për deputetë të Partisë Socialiste në këtë qark, ndërsaka ‘zgjedhur; edhe postet që mund të mbanin figura të ndryshme të opozitës nëse do të ishin në qeveri. Rama ka thënë se nuk e imagjinon dot që demokratët të jenë të të kënaqur që të kenë në qeveri Monika Kryemadhin si minister financash apo Agron Dukën si ministër bujqësie apo ministra të tjerë si Fatmier Mediu, Shpëtim Idrizi e Vangjel Dule.
“Se imagjinoj dot që demokratët të jenë të lumtur të kenë në qeveri Monika Kryemadhin, ministre Financash, Agron Dukën ministër Bujqësie, Fatmir Mediun, ministër çfarëdo qoftë se nuk di të bëjë asgjë dhe i bën të gjitha. Shpëtim Idrizin, apo Vangjel Dulen. Nuk mund të ketë tifozllëk partiak që njeriu t’i bjeri vetes. E thashë që në fillim na u rritën kalamajtë, ndërkohë që disa vazhdojnë sikur ora ka ndalur. Këtu bëhet fjalë kë do zgjedhësh të të bëjë punën. Unë nuk besoj që këta njerëz kur marrin elektricistin, apo marangozin i zgjedhin demokratë ose ndryshe nuk i marrin. Pse shkojnë në zgjedhje si tifozë?”, ka thënë Rama.
Më herët Rama tha se në Shkodër janë penguar investimet e qeverisë për shkak se në krye të bashkisë është një demokrate, referuar Voltana Ademit.
