Kryeministri Rama nuk ka mundur të mos e komentojë turin që Lulzim Basha bëri të shtunën duke vizituar 9 qytete të Shqipërisë Brenda ditës.
Nga Fushë-Kruja Rama tha me ironi se Basha nuk theu asnjë rekord dhe se nuk është çiklist, por shprehet njësoj si Berisha që thonte se kishte thyer rekordin e notit. Duke foluar në dialekt, Rama e ‘falenderoi’ Bashën për të qeshurat që i shkaktoi duke thënë “normal që do e thysh rekordin, që u thefsha unë nga të qeshmet”.
“Do ju thonë inspektorët po fituam ne u bë kaq vite që vdiqëm, opozita është e lodhshme, kaq e dua unë kaq e do ai tjetri, ka qenë në makinë ka gjëmuar Lulin nga mbrapa.
Por kur boni ata që tha thyva rekord e bona brenda ditës nga Saranda në Tropojë. Po pse mo ça çiklisti, është ky çiklist. Ç’a rekordi është ky? U nisa nga Saranda në Tropojë dhe theva rekordin, rekordin e kujt ?
Si Saliu njësoj thoshte thyeva rekordin e notit. Not vetëm, tek pull në det, tu nejt në ujë dhe nxirrte në facebook sot nxdenja 2 orë e 40 minuta në ujë. Po ka rob normal që rri 2 orë e 40 minuta në ujë tu fol me vete. E thyva rekordin thot. Po normal që do ta thysh që u thyfsha unë nga të qeshmet. Faleminderit shumë se nuk mbarojnë këta”, tha Rama.
