Kryeministri Edi Rama i ka shtrirë edhe një herë dorën Partisë Demokratike për të bashkëpunuar. Në mbledhjen e sotme të grupit të vjetër dhe atij të ri parlamentar të PS, Rama tha se opozita mund të bëjë ç’të dojë, por ai do të bëjë çfarë duhet dhe të shtyjë para reformat e ligjet. Ai u shpreh se është i gatshëm për bashkëpunim me PD-në pa kushte, pavarësisht nga sjellja dhe retorika
‘”Mandati i tretë s’duhet tu ngjajë dy të parëve, as në sallën e kuvendit, opozita mund të bëjë ç’të dojë, ne do bëjmë çfarë duhet. Të shtyjmë përpara reformat e ligjet që nevojiten në funksion të qytetarëve. Dora e bashkëpunimiet pa kushte me PD, pavarësisht nga sjellja, retorika apo veprimet e rivalëve”, tha Rama.
Kryeministri deklaroi se konflikti verbal nuk duhet të jetë më kryefjala e jetës politike e parlamentare. Ai tha se PD ka rënë pesë herë me këmbët e tyre, me retorikën e përdorur. Rama u shpreh se kush do të kalojë cakun etik në adresën e rivalëve dhe nuk angazhohet me çështjet që i interesojnë njerëzve, do jetë shqetësim për të dhe për grupin e jo për opozitën
“Me doemos të ndryshojmë në këtë drejtim, sado ata ti bien fyellit në vrimën që u është bërë gropa. Kanë rënë 5 herë me këmbët e tyre në atë gropë. Shumë e lehtë të thuash, shumë e veshtirë të bësh. Kush do të kalojë cakun etik në adresën e rivalëve tanë, kush jep shembull të keq në kuvend apo komision duke rënë pre e provokimeve, kush merret me politikë me konflikt në teatrin e ditës dhe nuk do të angazhohet me temat e çështjet që i interesojnë njerëzve apo Shqipërisë, do të jetë një shqetësim jo për opozitën, por për grupin dhe mua”, tha Rama.
