Gratë naftëtare në Ballsh bëjnë 14 ditë që janë në grevë dhe i kanë bërë apel kryeministrit Rama duke u shprehu se dua zgjidhje sa më shpejt dhe se nuk dalin nga greva pa marrë paratë e tyre.
I menjëhershëm ka qenë reagimi i kryeministrit Rama, ku me anë të dy statuseve në Tëitter është shprehur se është e pamundur që të ulet dhe të bisedojë me presione dhe ultimatume.
Ai u ka kërkuar që të mbyllin grevën dhe do mundohen që ti ndihmojnë në këtë hall që sipas tij nuk e ka krijuar qeveria.
Statusi i Ramës:
Të dashura greviste të Ballshit, është e drejta juaj të mos dilni nga greva, por është e pamundur të ulemi bashkë me presione e ultimatume! Jam gati të vij tek ju sapo të mbyllni grevën e të flasim si do mundemi t’ju ndihmojmë për këtë hall që nuk e ka krijuar qeveria.
Ne po punojmë për të gjetur investitorë seriozë që të rindezin rafinerinë edhe pse greva juaj nuk ndihmon as për këtë! Ndërsa për ndihmën e mundshme shtetërore ndërkohë, meqë ju s’pranoni as të dilni në asistencë, ka vetëm një rrugë: Mbyllni grevën dhe ulemi qajmë hallin!
Miqtë e mi jo, më vjen keq po ne nuk do të ulemi dot në tavolinë pa u mbyll greva! Qeveria nuk negocion nën presionin e askujt dhe nuk pranon ultimatume nga askush. Mbyllni grevën dhe do të vij unë tek ju, menjëherë! Ndryshe s’ka bisedime.
