Kreu i qeverisë Edi Rama ka mbajtur fjalën e tij gjatë inagurimit të projektit rikonstruktues të godinës së Piramidës, që do të transformohet në një qendër Digitale, që sipas socialistëve do të kthehet në më të madhen e këtij lloji në rajon.
E pranishme në këtë inagurim ishte dhe ambasadorja ameikane në vendin tonë, Yuri Kim. por kjo nuk ndikoi aspak tek Rama, i cili thumboi dhe opozitën. “Qeveria e parë i vodhi edhe pllakat Piramidës”, u shpreh ai.
Më tej Rama tha se kjo godinë është ndryshe nga të tjerat dhe duhet ruajtur jo vetëm nga forma por dhe nga historia.
“Kjo është një ndërtesë që nga pikëpamja arkitektonike ishte ndryshe nga të tjerët. Kjo ndërtesë u la në një proces degradimi, ku asnjëherë nuk u gjet mënyra se për çfarë kjo godinë mund të shërbente, për funksione të tjera.”, u shpreh Rama.
Ndërkohë që më herët kryebashkiaku i Tiranës, Erion Veliaj, tha se Ramës i kishte mbetur peng ndërtimi i Piramidës, pas 11 vite në krye të Tiranës.
”I thashë Edi cila është gjëja që të ka ngelur peng. Fjala e parë ishte Piramida. Nuk ka qenë vetëm peng i Edit, por i kujtdo, kujtdo që ka qenë pjesë e Tiranës, është rritur me të, apo ka rrëshkitur këtu tek Piramida.”, shprehe kryebashkiaku.
Ndërsa zbuloi detaje të platformës “Shqipëria 2030”, Rama solli si shembull disa të rinj që Korçë, për të cilët u shpreh se sot fitojnë nga 1 deri në 8 mijë euro në muaj, falë projekteve dixitale. Nga eventi i inagurimit u kuptua se projekti është hollandez gjithashtu dhe financimet.
