Ditën e sotme banorët e Bërxullës, tokat e të cilëve preken nga ndërtimi i aksit Thumanë-Kashar, sërish kanë protestuar pasi nuk bien dakord me çmimin që u ofrohet për të kompensuar pronën e tyre. Ata janë ulur këmbëkryq në mes të rrugës.
Me kalimin e minutave është tensionuar situata në protestën e banorëve të Bërxullës. Një nga banoret thotë se një prej efektivëve po e gjuante me këpucë dhe gjunjë. Ajo bahskë me një qytetare tjetër i ka kërkuar të ndalonte, po situata u përshkallëzua. Kujtojmë se në protestë gjendet fëmijë, vajza gra dhe burra. “Pse na provokoni”, janë duke thënë banorët ku e shohin këtë si një akt provokues.
“Kujt shteti i shërben ti?”, dëgjohet të thotë një tjetër banore.
Pas kësaj situate që nuk po merr zgjidhje banorët e e Bërxullës paralajmërojnë se do të bëjnë grevë urie.
“Edi Rama fshihet pas ministres Balluku”, dëgjohen të thonë disa nga banorët.
Banori në foto është një 65-vjeçar i cili thotë se ka për t’u flijuar në mes të rrugës nëse situata vazhdon edhe më gjatë në këtë mënyrë. “Do digjem me benzinë, betohem”, është fjalia që vjen nga dëshpërimi i tij, i cili tregon dhe shenjat e operacionit që ka kryer dhe akuzon qeverinë për mosmbështetje.
