Kryeministri Edi Rama, i ftuar në emisionin “Open”, ka shpërthyer i nxehur, kur i’u drejtua njërit prej gazetarëve, duke përmendur ish -kryeministrin Berisha.
“Sali Berisha është mbetje organike e papërpunueshme, ti mos u mërzit, merri erë sa të duash. Ai është mbetje organike e papërpunueshme. Shumë e rëndësishme, është e papërpunueshme! Se si e duan shqiptarët kryeministrin, ua kanë treguar dhe do e tregojnë sërish në prill”, tha Rama.
Kryeministri referuar deklaratave të fundit të Presidentit, ku ky i fundit i referohej dhe si ” qen bir qen”, Rama tha:
“Unë se akuzoj, unë them atë që do, çfarë kërkon ai? Ilir Meta kërkon pushtetin jo balancën për pushtet, Ai ka një ndërmarrje të ngritur për të nxjerrë përfitime në kurriz të partisë së madhe, që të marrë vetë indulgjencat e pushtetit, dhe kjo parti drejtohet nga zonja e parë e Shqipërisë.
Ai tani nuk e lë dot, ndërmarrjen e gruas pa punë, Ai ka marrë çdo gjë nga Shqipëria. Duke qenë presidenti, ai nuk e bën, këtë, po del thotë unë jam nga Skrapari sikur është presidenti Skraparit.
Unë jam nxënës i Konicës dhe Nolit. Gjuha mund të jetë lule ose shpatë, unë skam dalë ndonjëherë të flasë si Meta. Ai del i dehur nëpër ato intervista”, deklaroi Kryeministri.
Gjatë emisionit “Open”, kryeministri Rama vuri në dyshim pohimet e Prof.Dr.Genc Sulçebe, profesor në imunologji në Katedrën e Imunologjisë në Fakultetin e Mjekësisë të Universitetit të Mjekësisë të Tiranës dhe përgjegjës i Shërbimit Universitar të Imunologjisë në Qendrën Spitalore “Nënë Tereza” në Tiranë.
“Profesor Sulçebe nuk është ekspert menaxhimi në strukturat spitalore. Në një ndeshje ka sulmues ka mesfushor, ka mbrojtës. Ashtu si edhe në bluzat e bardha, dikush është ekspert për syrin, dikush për veshët, një tjetër për zemrën. Një mjek për veshët nuk jep dot mend për syrin” tha Rama, që me këtë teori zhvlerësoi çdo fakt kritik për pandeminë, duke bërë thirrje të gjithëve që t’i besojnë vetëm Komitetit Teknik të Ekspertëve.
/GazetaReforma.com/
