Tashmë Rama është zyrtarisht Ministri i Jashtëm i vendit.
Disa minuta më parë ai ka bërë betimin pranë presidencës dhe përmes një njoftimi, vet ky insitucion ka bërë me dije se Rama është betuar në postin e ministrit duket vendosur dorën mbi Kushtetutën e Shqipërisë.
Sipas Presidencës, Meta i ka uruar suksese ministrit të ri në këtë detyrë shumë të rëndësishme.
“Në Institucionin e Presidentit të Republikës u zhvillua ceremonia e betimit të Ministrit të ri për Evropën dhe Punët e Jashtme.
Pas ekzekutimit të himnit kombëtar dhe leximit të dekretit përkatës, Ministri për Evropën dhe Punët e Jashtme, e njëkohësisht Kryeministër, Edi Rama, u betua sonte, duke vendosur dorën mbi Kushtetutën e Shqipërisë.
Presidenti i Republikës, Ilir Meta, duke i dorëzuar dekretin, i uroi suksese në këtë detyrë shumë të rëndësishme. Në ceremoni ishte i pranishëm Kryetari i Grupit Parlamentar të Partisë Socialiste, Taulant Balla dhe anëtarë të Kabinetit të Presidentit të Republikës”- thuhet në njoftimin e Presidencës.
