Kryeministri Edi Rama ka qenë i ftuar në emisionin “Zgjedhje 2021” në “Vizion Plus”, ku ka pasur replika me gazetaren Pranvera Boraku për sa i përket termit “femër”. Në momentin që gazetarja i është drejtuar kryeministrit “Edi Rama i respekton femrat”, ai nuk ka humbur rastin të jap disa leksione mbi feminizmin, duke iu futur tashmë edhe një fushe të re.
“E para njëherë në këtë rast një këshillë. Femra është femra e qenit, e lepurit, e maces. Ka gra dhe vajza. Ka gra dhe vajza. Femra nuk duhet përdorur se e ul gjininë e bukur. Po flisja për opozitën time të brendshme. Po të dëgjonit ju çfarë i them unë Edi Ramës me zë të lartë”, tha Rama.
Ndërkohë i pyetur për notën që ai i vendos kësaj opozite, Rama nuk ka pranuar ta tregojë.
“Këtë nuk ta them. Edi Rama opozitar është kërkuesi më i madh i Ramës kryeministër”, ka thënë Rama. Ky është dallimi mes opozitës dhe qeverisë. Opozita është maksimizimi i asaj që mund të imagjinohet se duhet bërë dhe ka mundësinë ta thotë se duhet bërë. Ndërsa qeveria është ajo që mund të behet. Në opozitë shumë gjëra bëhen lehtë. Nuk është se Edi Rama kryeministër nuk përpiqet të bëjë maksimumin që i thotë Edi Rama opozitar”, deklaroi kryeministri.
