Teksa ende jemi gjatë sezonit veror turistik dhe temperaturat janë të larta, orët e para të paradites kanë formuar radhë të gjata makinash në pikën kufitare të Kapshticës, me emigrantë shqiptarë pas pushimeve në Shqipëri.
Fëmijë, të moshuar dhe gra presin në kushte të vështira atmosferike, kalimin e tyre nga Shqipëria në tokën helene.
Radhë e gjatë mjetesh janë krijuar në doganën greke në pikën kufitarë të Kapshticës është krijuar ditën e sotme.
Shkak për situatën kaotike dhe pritjet e gjata është bërë sërish pala greke, ku puna po zhvillohet me një sportel çka sjellë vonesa në pikën kufitare.
Ndërkohë pala shqiptare po punon me tre sportele në hyrje dhe tre në dalje, gjë që lehtëson punën dhe lëvizjen e makinave me ritëm të shpejtë.
Kanë reaguar disa prej qytetarëve në radhët e gjata të cilët prej shumë orësh po qëndrojnë në pritje për të kaluar kufirin.
Situata nuk konsiderohet normale nga udhëtarët për shkak të temperaturave të larta.
Pas njoftimit nga pala shqiptare mësohen se do të hapen 4 sportele në palën greke për të shmangur pritjet e gjata.
“Kemi 2 orë që presim. Presim të ikim. Shyqyr nuk kemi fëmijë të vegjël se do të ishte më e vështirë pritja. Nuk e kuptoj përse nuk kemi lëvizur. Nuk është normale por s’kemi çfarë të bëjmë tjetër jemi të detyruar të presim. Nuk kemi mënyrë tjetër për të kaluar.”, u shpreh njëri prej qytetarëve.
Një tjetër tha se prej 25 vitesh është e njëjta problematik me palën greke.
“Kam 3 orë në pritje. Kemi 25 vjet që bëjmë këtë rrugë, një muhabet është çdo vit. Pala shqiptare punonte normalisht. Shqiptarët durojnë shumë, janë shumë të fortë.”, tha ai.
Pas një kohe të gjatë të masave anti-COVID, pika kufitare e Kapshticës është rihaour më 21 korrik.
