Festim Lelaj, ish.komsari që ra në pranga gjatë operacionit “Shpirti” ka kërkuar ndryshim të masës së sigurisë. Ai u arrestua si personi që kishte organizuar trafikimin e 2.5 tonëve drogë drejt Italisë.
Arsyeja për të cilën ai e ka bërë këtë kërkesë, mësohet të jetë për shkak se pretendon se vuan nga një sëmundje e rëndë. Lidhur me këtë pretendim GjKKO kërkoi ekspertim nga mjekësia ligjore.
Kujtojmë se operacioni “Shpirti” i shtrirë në disa shtete si Shqipëri, Italia, Spanja dhe Mali i Zi, u zhvillua. Në këtë operacion janë sekuestruar në total 6 ton lëndë narkotike marijuanë, kokainë dhe hashash, 55 milion euro dhe një sasi totale prej 14 milion dozash njëshe që dalin nga shpërndarja me pakicë. Ka qenë dëshmia e 4 të penduarve të drejtësisë që kanë pranuar të bashkëpunojnë me prokurorinë duke rrëfyer për trafikun e drogës nga Shqipëria drejt Italisë. Ata kanë dhënë informacione për 3 vite, pas të cilave SPAK, në bashkëpunim me Antimafian italiane, Eurojust dhe DIA, kanë arritur të dokumentojnë aktivitetin kriminal të 4 grupeve që trafikonin drogë nga Shqipëria drejt Italisë dhe Spanjës
Ndërkohë në vitin 2017, Lelaj ka qenë i përfshirë në trafikun e 2.5 ton drogë nga Ankona në Durrës dhe atëherë Prokuroria kërkoi 17 vite burg për të. Emilajno Cili dhe Artur Riza u dënuan atë kohë me burg si bashkëpunëtorë të Lelajt.
