Përplasjet mes Bashkisë së Shkodrës dhe qeverisë tashmë dihen, por këtë herë kanë tejkaluar çdo pritshmëri. Shkaku i përplasjes ka qenë pikërisht vendimi i qeverisë për transferimin e Drejtorisë Arsimore Rajonale nga Shkodra në Lezhë.
Ka qenë kryetarja e Bashkisë së Shkodrës, Voltana Ademi ajo që ka reaguar ashpër duke i dërguar edhe një shkresë zyrtare prefektit dhe kryeministrit Edi Rama për anulimin e këtij vendimi.
Ademi e ka quajtur absurd vendimin dhe ka thënë se është diskriminim i hapur që është duke iu bërë Shkodrës.
“Bashkia Shkodër është ndër qendrat më të mëdha në vend, me një histori të veçantë në arsim, qytet universitar, me gravitetin më të lartë social e kulturor, ekonomik dhe administratoiv në Qarkun e Shkodrës dhe rajon e për këtë nuk duam të besojmë se largimi i dy drejtorive të rëndësishme si ajo për Ujitjen e Kullimin dhe Drejtoria për Arkivat, do të pasohet nga largimi i DAR”, shkruhet në shkresën drejtuar prefektit Valdrin Pjetri.
