Pas publikimit të videoskandalit, qeveria merr vendimin për kryebashkiakun e Kukësit, Safet Gjicin. Ministrja Delina Ibrahimaj pas mbledhjes së Këshillit të Ministrave njoftoi se Këshilli mori një vendim për shkarkimin e kryetarit të Bashkisë Kukës, Safet Gjici.
“Këshilli i Ministrave mori një vendim për shkarkimin e menjëhershëm të kryetarit të bashkisë Kukës”, deklaroi Ibrahimaj.
Ky vendimin vjen pas publikimit të videos seksuale të kreut të Bashkisë së Kukësit në zyrë. Pas publikimit të kësaj videoje, pati një reagim nga vetë Gjici i cili bëri me dije se jep dorëheqjen pas publikimit të pamjeve dhe se me vajzën në fjalë ishte në marrëdhënie intime prej kohësh. Ai shkruan në mesazhin e tij se ka rënë pre e një kurthi të përgatitur me detaje nga e njëjta dorë njerëzish me të cilët u përball në zgjedhje. Gjithashtu thekson se prej disa kohësh ka një marrëdhënie intime me vajzën në fjalë.
“Ndjesë të thellë publike çdokujt që sot ka parë atë material të shëmtuar video. Pas një fushate dhe përballjeje jo të lehtë me kundërshtarët e mi, pas të cilës rezultova fitues, fatkeqësisht unë rashë pre e një kurthi të përgatitur me detaje nga e njëjta dorë njerëzish me të cilët u përballa në zgjedhje. Ja arritën ta bëjnë në një formë tjetër të pistë atë që se bënë dot me votën e kuksianëve.
Jam shumë i keqardhur për ngjarjen dhe jam më se i qartë se në këtë situatë nuk ka vlerë asnjë lloj sqarimi. Prej disa kohësh unë kam një marrëdhënie intime me vajzën në fjalë, por sigurisht nuk kam asnjë justifikim për atë çka ka ndodhur pavarësisht se i rënë në kurth”, shkruan ndër të tjera Gjici.
Ndërkohë SPAK ka nisur procedimin penal për kryebashkiakun socialist të Kukësit.
