Afati për vlefshmërinë e pasaportave që do të skadonin në 25 prill është shtyrë deri në datën 30 prill. Vendimi është marrë nga Këshilli i Ministrave dhe është propozuar nga ministry i Brendshëm. Akti normative është botuar në “Fletoren Zyrtare” dhe hyn në fuqi menjëherë. Vendimi është firmosur nga zv/kryeministri Erion Braçe në mungesë dhe me porosi të kryeministrit Ei Rama.
Më herët u mor gjithashtu vendimi për zgjatjen deri në 30 prill të vlefshmërisë për Kartat ID që skadojnë në 25 prill.
Vendimi i Këshillit të Ministrave:
NJË NDRYSHIM NË LIGJIN NR.8668, DATË 23.10.2000, “PËR PAJISJEN E SHTETASVE SHQIPTARË ME PASAPORTË PËR JASHTË SHTETIT”, TË NDRYSHUAR
Në mbështetje të nenit 101 të Kushtetutës, me propozimin e ministrit të Brendshëm, Këshilli i Ministrave
V E N D O S I:
Neni 1
Neni 14/3, i ligjit nr.8668, datë 23.10.2000, “Për pajisjen e shtetasve shqiptarë me pasaportë për jashtë shtetit”, të ndryshuar, ndryshohet, si më poshtë vijon:
“Neni 14/3
Dispozitë kalimtare
Afati i vlefshmërisë së pasaportave të shtetasve shqiptarë, që përfundon deri në datën 25 prill 2021, zgjatet deri në datën 30 prill 2021.”.
Neni 2
Hyrja në fuqi
Ky akt normativ hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
ERION BRAÇE
