Një nga shoqatat e diasporës i është drejtuar me një letër KQZ-s për sa i përket Votës më 25 Prill të shqiptarëve që jetojnë jashtë vendit.
Ata shprehin shqetësimin, duke e quajtur një vendimmarrje të vonuar aktin normativ dhe mosmiratimit të një numri aktesh të tjera kur vetëm 65 ditë na ndajnë nga zgjedhjet.
Votat e emigrantëve tashmë duken se nuk do të jenë të pranishme as këto zgjedhje. Edhe pse u premtua gjerësisht nga politikanët, nuk ka qenë vullenti i duhur për ta realizuar.
Në zgjedhjet e 15 Shkurtit të Kosovës, votat e emigrantëve mbërritën përmes postës, e shumë të tjerë erdhën personalisht në Kosovë, më qëllim pjesëmarrjen në votime. Rast ky për tu marr shëmbull nga një shtet që ka vetëm 13 vjetë i pavarur.
Nëse iu refreohemi të dhënave na KQZ, në Shqipëri rreth 40 % e popullsisë jeton jashtë territorit të vendit. Kjo shifër tregon qartë se vota për emigrantët është një e drejtë e mohuar nga qeveria [prej kohësh.
DIASPORES PËR ZGJEDHJET PARLAMENTARE TË PRILLIT 2021
Lënda: Përgjigje ndaj KQZ për Projekt Aktin Normativ për regjistrimin e shtetasve me vendbanim jashtë territorit të Shqipërisë
Të nderuar,
duke iu referuar Projekt Aktit Normativ te KQZ-së mbi procedurat e regjistrimit të shtetasve shqiptarë me qëndrim jashtë shtetit dhe duke u parasysh faktin se na ndajnë vetëm 65 ditë nga dita e zgjedhjeve të 25 Prillit, ne, lëvizja Diaspora për Shqipërinë e Lirë, si palë e angazhuar në mënyrë proaktive përgjatë procesit, shprehim shqetësimin tonë përsa i përket vendimmarrjes së vonuar për këtë akt normativ apo dhe mos-miratimin e një numri aktesh të tjera, të cilat do të mundësonin realizimin e kësaj të drejte kushtetuese. Duke pasur parasysh afatet kohore të rregjistrimit, konfirmimit të kërkesës së votuesit jashtë, dërgimin e dokumentacionit të votimit dhe të gjitha hapat e mëtejshme të rëndësishme për të garantuar një proces transparent dhe të besueshëm, konsiderojmë se status-kuo-ja aktuale dhe pengimi i procesit me arsyetime pollitike apo justifikime burokratike minojnë procesin në terësi dhe përcjellin një mesazh negativ ndaj Diasporës.
Duke u bazuar në kontributin tonë të deritanishëm pranë tryezës teknike të konsultimit me aktorë të ndryshëm pranë KQZ-së, konstatojmë me keqardhje se: ka një mungesë të thelluar komunikimi dhe koordinimi ndër-institucional për implementimin e hapave teknikë, që mundësojnë realizimin e kësaj të drëjte kushtetuese
në këtë kontekst, mungon informacioni i plotë rrëth modalitetit (votimit me postë, elektronik apo pranë përfaqësive diplomatike) të marrë në konsideratë nga KQZ-ja.
mungon ende infrastruktura me të cilën do te garantohej vota e shtetasve shqiptare jashtë vendit si dhe mënyra e sigurimit të kësaj vote
mungon një fushatë ndërgjegjësuese dhe informuese mbi hapat për tu ndjekur nga qytetarët që jetojnë jashtë shtetit dhe të cilët dëshirojnë të votojnë
Ndaj, çdo përshpejtim, me “një zgjidhje së minutës të fundit”, hedh dyshime të forta mbi vullnetin real politik. Në këto kushte, e shohim të nevojshme përgjigjen zyrtare dhe të menjëhershme të KQZ-së dhe partive politike kryesore në vend lidhur me shqetësimet e sipërpërmendura. Çdo përgjigje e vonuar do të përkthehet si vullnet i munguar politik përkundrejt përafrimit të diasporës me vendlindjen.
Bashkëthemeluesit e Diaspora për Shqipërinë e Lirë, Bledar Milaqi dhe Florjan Haçkaj
