Ish-ministri i Financave, Arben Malaj folur rreth krizës energjitike në vend dhe ka analizuar komunikimin dhe masat e marra nga qeveria për këtë situatë. I ftuar në rubrikën “Opinion” në në News 24, Malaj tha se në këtë pikë shteti duhet të ketë rezerva strategjike.
“Ajo që akoma askush se thotë me kompetencë është që do të jetë goditje e menjëhershme, e përkohshme apo afatgjatë. Komunikimin publik s’duhet të krijojë panik. Që ka rritje çmimesh ka, nëse është afatshkurtër nuk kthehet menjëherë në nivelin që ishte. Në këtë pikë shteti duhet të ketë rezerva strategjike. Nëse është afatshkurtër të gjitha vendet reagojnë menjëherë, sepse goditja e lehtë mund të shkojë më rëndë”, u shpreh ish-ministri.
Malaj tha më tej se ka shqiptarë që vuajnë edhe për bukën e gojës e sulmoi drejtpërdrejtë zv/kryeministrin Arben Ahmetaj, duke thënë se vetëm një “intelektual” si ai nuk e di këtë gjë. Ai shtoi se me këtë papërgjegjshmëri të qeverisë, mund të ketë tensione dhe trazira sociale.
“Skenari parë është të ndihmojmë më të varfrit. Unë kam qenë kundër propozimit të opozitës, për uljen e TVSH. E ulëm për arsimin, farmacinë. Po jo të gjithë shqiptarët janë të varfër, po që ka shqiptarë deri te buka e gojës, vetëm intelektual Ahmetaj nuk e di këtë, sepse shqiptarët kanë shkuar në burg për mos pagimin e dritave. Shefja e FMN tha sot që të shtyhen projektet afatgjata dhe të ruhen njerëzit. Jo rastësisht Edi Rama miratoi si vendim të parë gradën. Me këtë rritje çmimi dhe këtë papërgjegjshmëri, mund të ketë tensione dhe trazira sociale. Ne shtojmë policët, por jo punonjësit social”, tha Malaj.
Ish-ministri komentoi edhe planin me tre pika të Ramës, duke thënë se pika e parë duhet të ishte mbrojtja e shtresave në nevojë. Ai tha se në thellimin e krizës, qeveria është arrogante.
“Pika e parë ishte që do të mbrohen shtresat në nevojë. Nuk jam dakord që mund të kemi energji pafund. Sepse 5 ditë energji, 5 mln euro, kush do i përballojë këto? Ka vende që në kohë krizash thotë se do të ketë reduktime në konsum. Në thellimin e krizës, keqqeverisja me 4 elemente që është arrogante, e babëzitur. Qeverisja nuk është demagogji, por është tregues. Kapitalizmi ka dhe aspektin moral, sepse ti votohesh që qytetarët të jetojnë më mirë,
Ka aq kosto sa zgjedhjet e 2021 kanë pasur një sistem simetrik siç atje siç ndodhi në Austri që bëhet gjithçka për të deformuar vullnetin e votuesve. E dini sa janë punësuar? Të gjitha politike. Pse u kriminalizua politika shqiptare? Opozita është e domosdoshme për të bërë një presion politik, por nuk shërben si alibi për keqqeverisjen”, ka thënë Malaj.
