Viti i Ri po vjen dhe fatkeqësisht bashkë me të vijnë edhe aksidentet, incidentet, helmimet etj., ndaj edhe Qendra Kombëtare e Urgjencës Mjekësore ka vendosur të marrë masa serioze për parandalimin e tyre.
“Do të ketë më shumë ambulanca, të stacionuara në zonat më të rrezikshme”, ka thënë Drejtori i Urgjencës Kombëtare, Skënder Brataj, i bindur se këtë vit rezultatet kanë për të qenë më mirë se vitet e shkuara.
Megjithatë Qendra Kombëtare e Urgjencës Mjekësore nuk ka nën monitorim vetëm qendrat e qyteteve, por edhe zonat rurale, ku drejtuesi i saj thotë se do të jetë në dispozicion helikopteri i urgjencës për çdo të papritur që mund të ndodhë. Shpresohet që mos të ndodhë asgjë e tillë dhe situata të jetë nën kontroll.
Një thirrje i dërgohet të gjithë qytetarëve të vendit që të tregohen të kujdesshëm me pijen në momëntin që janë në makinë dhe me ushqimin që konsumojnë, në mënyrë që të shmangen shumë probleme që mund të hasen.
