Policia e Shtetit ka arrestuar mbrëmjen e sotme një gardian burgu pasi ka qëlluar me qytën e armës së shërbimit fqinjin e tij.
Ngjarja ka ndodhur në Paskuqan rreth orës 20:15 ku pas një konflikti për motive të dobëta, efektivi Lavdrim Mena ka dëmtuar me qytën e pistoletës 39-vjeçarin me iniciale A.D. Ndërkohë mësohet se efektivi i Policisë kishtë qëlluar me shuplakë djalin e 39-vjeçarit, gjë që kishte agravuar situatën mes tyre.Ky i fundit sipas policisë ka pasur dëmtime të lehta i cili pas mjekimit është larguar në banesë.
Sakaq efektivi i Policisë është dërguar në Komisariatin nr.5, ku edhe po vijon puna për sqarimin dhe dokumentimin e plotë të rrethanave të ngjarjes.
NJOFTIMI I PLOTË:
Kamzë,Tiranë/Informacion paraprak
Me datë 04.10.2020, rreth orës 20:15, në Paskuqan, pas një konflikti të çastit për motive të dobëta, shtetasi L.M., 49 vjeç, në konflikt e sipër ka dëmtuar lehtë dyshohet me qytën e pistoletës, shtetasin A.D., 39 vjeç, duke i shkaktuar dëmtime të lehta i cili pas mjekimit është larguar në banesë. Shërbimet e Policisë kanë shkuar menjëherë në vendngjarje dhe falë veprimeve të shpejta kanë bërë identifikimin dhe shoqërimin e autorit të dyshuar në Komisariatin e Policisë Nr.5, për veprime të mētejshme hetimore, i cili është punonjës i Policisë së Burgjeve dhe paraprakisht dyshohet se e ka dëmtuar me tytën e armës të shërbimit. Vijon puna për sqarimin dhe dokumentimin e plotë të rrethanave të ngjarjes.
