Pas 10 muajsh në kërkim nga policia, 62-vjeçari Medi Koleci është arrestuar ditën e sotme nga policia e Tiranës.
62-vjeçari ka tentuar të vriste kunatën e vet, duke e goditur me sëpatë në kokë, në muajin tetor të vitit 2018.
Medi Koleci, banues në fshatin Armath të Durrësit, së bashku me dy djemtë e tij kanë dhunuar Qefsere Kolecin për një motive pronësie, për një tokë shtetërore.
Policia bën me dije se 62-vjeçari është arrestuar ditën e sotme në Tiranë në rrugën “Jordan Misja”.
Njoftimi i policisë:
Bie në prangat e Policisë një 62-vjeçar, i shpallur në kërkim kombëtar për veprën penale “Vrasje për shkak të mardhënieve familjare, mbetur në tentativë”, kryer në bashkëpunim.
Nga Shërbimet e Policisë së Postës Manëz, Durrës, në bashkëpunim me Shërbimet e Policisë së Komisariatit Nr.3 Tiranë, në rrugën “Jordan Misja”, Tiranë, është kapur dhe ndaluar shtetasi :
-M.K., 62 vjeç, banues në fshatin Armath, Durrës.
Ky shtetas në vitin 2018, në fshatin Armath, Durrës,në bashkëpunim me dy djemtë e tij ka goditur me mjete të forta (sopatë), kunatën e tij, shtetasen Q.K., duke i shkaktuar dëmtime serioze për jetën.
Në ngarkim të këtij shtetasi, Gjykata e Rrethit Gjyqësor Durrës, më datë 20.10.2018 ka vendosur masën e sigurisë “Arrest në burg”, për veprën penale “Vrasje për shkak të mardhënieve familjare, e mbetur në tentativë” kryer në bashkëpunim.
Materialet hetimore i kaluan Prokurorisë për veprime të mëtejshme.
